Дар соли 2008 баъд аз чанд соли танаффус анъанаи баргузории озмуни “Маликаи хубон” дар Точикистон аз сар гирифта шуд. Нахустин чунин сабкати зебосанамхо имсол дар пойтахт ва бо исми “Мисс Душанбе” ё “Маликаи Душанбе” доир шуд.
Дар ин сабкат Нигина Назарова, 
донишчуи 20-солаи риштаи карзу молиёти Донишгохи славяни ғолиб омад ва унвони фохираи “Маликаи Душанбе”-ро сохиб шуд. Маликаи Душанбе набераи вазири пешини умури хоричии Точикистон Талбак Назаров аст.
-Ман, Нигина Назарова, ғолиби озмуни “Мисс Душанбе-2008″ хастам ва барои хамаи Шумо салом мегуям. Дар бораи ин озмун эълони зиёд буд ва ман хостам неруи худро санчам, ки оё метавонам бо одамон муносибати хуб дошта бошам ва оё часорати ман кофист, то пеши чамъияти зиёд суханрони кунам. Хамин тавр, неруи эчодии худро санчидаму тамом.
-Пас, то кучо аз “санчиш”-и худ каноатманд шудед?
-Озмун аз чанд мархила иборат буд ва онхо бехтаринхоро интихоб мекарданд. Дар оғози озмун мо шонздах довталаб будем ва дар раксу суханрони, муносибат бо одамон ва зебоии зохири “кувваозмои” намудем. Дар охири озмун барои пирузи дах нафар боки мондем, ки яке аз онхо ман будам ва унвони “Мисс Душанбе-2008″-ро сохиб шудам.
-Аммо дар мавриди пирузии Нигина Назарова бахсхо мухталифанд. Баъзехо мегуянд, ки аслан хакки ширкат дар озмуни “Мисс Душанбе”-ро надоштаед, чаро? Шояд аз ин сабаб, ки зодгохатон дигар аст…
-Бале, ман дар шахри Налчик зода шудаам, ки дар ин бора бахсхои хеле тунд сурат гирифт. Бисёрихо мегуфтанд, ки точикдухтар нестам ва барои ширкат дар озмуни зебосанамони Душанбе низ хак надорам.
Бовар кунед, ман точикам, вале хамингуна иттифок уфтодааст, ки дар шахри дигар таваллуд шавам. Холо бист сол дорам ва дар бахши молиёту карзи Донишгохи славянии Точикистону Русия тахсил мекунам. Мехохам дар оянда яке аз фаъолони умури бонки бошам. Бовар дорам, ки дар ин самт муваффак мешавам.
-Як нуктаи дигар. Шумо пирузии худро дар чи мебинед: вокеъан хусни зебо доред ё ба далели ин ки набераи Талбак Назаров хастед?
-Вокеъан хам набераи Талбак Назаров хастам. Холо бисёр овозахо хам шудаанд, ки гуиё ба ин далел ман ба пирузи дар озмуни “Мисс Душанбе-2008″ даст ёфтаам. Аммо мегуям, ки хич нафаре аз пайвандон ва наздикони ман барои пирузиям дар ин озмун кумак накардаанд. Хамчунин,
ману хонаводаам харгиз номи Талбак Назаровро барои реклом ё пияри худ истифода накардаем. Хар касе ба ин бовар надорад, бехтар аст, ки бо чашми худ озмуни “Мисс Душанбе”-ро бубинад. Шояд баъд аз он хулосааш дигар шавад.
-Чиро бештар дуст медоред?
-Аслан, дар вактхои холигиям китоб мехонам ва ин навъе аз шуғли писандидаи ман аст. Мутаассифона, холо вакти холи надорам. Хамчунин, дуст медорам, ки хамрохи дустону наздикон бошам. Холо онхо низ аз ман шиква мекунанд, ки ба далели кори бисёр ва хам санчишу имтихонхо наметавонам хамрохашон бошам.
-Барои нигахдории зебоии худ чи кор мекунед ва чи кадар вакти Шумо барои зебои сарф мешавад?
-Хар он ороише, ки субх мекунам, барои як руз мерасад. Яъне, ки барои орову пардози худ соатхои зиёдро масраф намекунам. Дар мавриди зебоии тан бошад, ба фитнес машғул мешавам ва хам мехохам ба ин васила сиххатии худро нигох дорам.
-Дар минбаъда чи барномахо доред?
-Барномахо барои оянда зиёданд, вале мехохам, мутахассиси хубе бошам, ки аз ухдаи ичрои хар фармону вазифа баромада тавонад. Хамчунин мехохам бо инсони хубе вохурам, ки дусту хамрохи хаётии ман шавад. Мехохам ин нафар хатман маро дуст дорад, фахмад ва пуштибони кунад. Инчунин, кудаконро мехохам, ки хамеша боъис ба хушхолии волидон мешаванд.
-Нигина, оё намехохед ва ё накша хам надоред, ки дар озмунхои дигари зебосанамон ширкат кунед?
-Агар як чунин пешниход шавад, албатта, онро бо наздиконам дар миён мегузорам ва агар онхо пуштибони кунанд, хатман иштирок мекунам…
Ин саҳфаи Дабири Кабир, як тоҷик аст. 
