Сафорати Русия бо пахши як баёния гуфтааст, ки аз амали сартарошидахои рус башиддат нигаронанд ва ба наздикони мардикори сарбуридаи точик Салохиддин Азизов изхори тасаллият мекунанд.
"Зури ин сартарошидахо низ факат ба точикони бехукук мерасад..."
Ин сафорат хамчунин аз сокинони Точикистон хостааст, ки ба чунин амали вахшиёнаи гуруххои миллатгарои рус дода нашаванд. Комил Мухаммадов, сухангуйи сафорати Русия дар Душанбе, гуфт, катли боз як точики мухочир дар Маскав натанхо сокинони ин кишвар, балки чомеъаи Русияро хам хашмгин кардааст:
“Сафорати Русия ин амали вахшиёнаро шадидан махкум мекунад. Ин равганест, ки ба оташи адовати кавми рехта шуд ва фитнаест, ки муносиботи деринаи Точикистону Русияро халалдор месозад. Мо уммед дорем, ки ин амали вахишиёна бечавоб намемонад. Кормандони пулис, масъулони хифзи хукук ва онхое, ки дар ин кор даст доранд, дар зудтарин фурсат хатман мучозот мешаванд”.
"Котилони Хуршеда Султонова дар Санкт-Петербургро на барои барангехтани адовати кавми, балки танхо барои авбоши "суд" карданд..."
Сафорати Русия мегуяд, казияи катли Салохиддин Азизов тахти назорати макомоти хифзи хукуки Русия карор дорад ва дар Маскав чихати ошкор кардани ходисаи куштори ин шахрванди Точикистон як ситоди муттахида таъсис ёфтааст. Сафорати Русия мегуяд, дар панч соли ахир ходисахои марбут ба таъкибу катлу куштори шахрвандони Точикистон дар Русия ду маротиб афзун шудааст.
Аммо сафорат хамчунин зикр кардааст, ки дар Русия аз назари конуншикании шахрвандони хоричи точикон дар чойи дуввум карор доранд, харчанд аксарияти он конуншиканихо маъмури ва ё вобаста ба мукаррароти накзи икомат ва ё кор дар Русия будааст.
Дар хамин хол, бархе аз сиёсатмадорон ва вакилони порлумон саъйи хукумати Точикистонро барои химоят аз хукуки шахрвандони кишвар дар Русия кофи намедонанд.
Мухиддин Кабири, раиси Хизби Нахзати Исломии Точикистон ва вакили порлумон, мегуяд, хукумат аз тарси он ки муносибаташ бо “дусти бузурги стротежи” сард нашавад, дар масъалагузории чидди назди макомоти Русия худдори меварзид, ки ин албатта ба муносибати макомоти интизомии Русия дар тахкики казияхои марбут ба марги мухочирони точик таъсир мегузорад.
“Макомоти Душанбе ва сафорати мо дар Русия бо як лахни нав, нишон додани икдомхои каме амали ин сиёсатро каме тагйир доданд, вале хануз хам бенатича. Икдом кардан як тарафи масъала аст, натича додани икдомот пахлуи дигари масъала. Пас, бояд икдомот ва масъалагузорихо чиддитар бояд бошанд. Мо агар дар ин мавкеъ бошем, ки муносибатамон бо Русия халалдор нашавад, аммо аз ин инсонхо зарар бинанд, равобити мо хич арзише нахохад дошт”.
Раиси Хизби Нахзати Исломии Точикистон мегуяд, ин дафъа макомоти рус дар мучозоти котилони Салохиддин Азизов бояд чидди бошанд. Зеро каблан чандин котилони шахрвандони Точикистон на барои барангехтани адовати кавми ва нажодпарасти, балки танхо барои авбоши махкум ба зиндон шудаанд. Ва ин хама, ба гуфтаи у, сабаби беэътимоди ба масъулони хифзи хукуки Русия мешавад.
"Cартарошидахои рус каблан хам "лаззат"-и хуни точикро чашида буданд..."
Музаффар Зарипов, масъули бахши иттилооти Созмони чахонии мухочират дар Точикистон, ба ин назар аст, ки катлу таъкиби точикон дар Русия ахиран ба пояи бухрони чахонии моли ва мушкили иктисодии Русия бештар шудааст. Окои Зарипов мегуяд, дар кишваре, ки хамакнун бо бухрони шадиди моли рубаруст, хузури мухочирон натанхо боъиси нохушнуди, балки боъиси хашму газаб мешавад.
Рузи чумъаи гузашта вазорати умури хоричии Точикистон бо ирсоли нотаи эътирози аз макомоти Русия хост, то омилони катли Салохиддин Азизовро пайдо намуа ва ба пойи курсии мухокима кашанд.
Ин чавони точикро охири хафтаи гузашта дар хошияи шахри Маскав гуруххои миллатгарои рус сар бурида ва яке аз хамрохони уро захми карданд. Бино ба иттилоъи макомоти Точикистон имсол дар Русия худуди шашсад нафар аз шахрвандони точик фавтидаанд, яъне хар руз такрибан ду нафар. Ва аз ин миён бештар аз 70 нафари онхо курбонии бегонаситези ва амали гуруххои миллатгарои рус шудаанд.
Ин саҳфаи Дабири Кабир, як тоҷик аст. 
